Prajanudi
ನ್ಯೂಸ್ ವಿದೇಶ

ಮಹತ್ವದ ಒಪ್ಪಂದ: ಭಾರತದಲ್ಲಿ 6 ಅಮೆರಿಕನ್ ಪರಮಾಣು ಸ್ಥಾವರಗಳ ನಿರ್ಮಾಣ


ವಾಷಿಂಗ್ಟನ್: ವಾಣಿಜ್ಯಾತ್ಮಕವಾಗಿ ಭಾರತದೊಂದಿಗೆ ಅಸಹಾಕಾರ ಹೊಂದಿರುವ ಟ್ರಂಪ್ ಆಡಳಿತ ಇದೀಗ ಮಹತ್ವದ ನಡೆಯೊಂದರಲ್ಲಿ ಬೃಹತ್ ಪ್ರಮಾಣದಲ್ಲಿ ಭಾರತಕ್ಕೆ ಪರಮಾಣು ಇಂಧನ ಮಾರಾಟಕ್ಕೆ ಹಾಕಿದ್ದು, ಪರಿಣಾಮ ಭಾರತದಲ್ಲಿ ಬರೊಬ್ಬರಿ 6 ಅಮೆರಿಕನ್ ಪರಮಾಣು ಸ್ಥಾವರ ನಿರ್ಮಾಣ ಸಂಬಂಧ ಒಪ್ಪಂದಳಿಗೆ ಸಹಿ ಹಾಕಿದೆ.ಭದ್ರತೆ ಮತ್ತು ನಾಗರಿಕ ಪರಮಾಣು ಸಹಕಾರ ಒಪ್ಪಂದ ಅಡಿಯಲ್ಲಿ ಭಾರತ ಮತ್ತು ಅಮೆರಿಕ 6 ಅಮೆರಿಕನ್ ಪರಮಾಣು ಸ್ಥಾವರ ನಿರ್ಮಾಣಕ್ಕೆ ಸಹಿ ಹಾಕಿದ್ದು, ನಿನ್ನೆ ಈ ಬಗ್ಗೆ ಉಭಯ ದೇಶಗಳು ಜಂಟಿ ಹೇಳಿಕೆ ನೀಡಿವೆ.  ವಾಷಿಂಗ್ಟನ್ ನಲ್ಲಿ ನಡೆದ ಭಾರತೀಯ ಪ್ರತಿನಿಧಿಗಳೊಂದಿಗಿನ ಸಭೆ ಬಳಿಕ ಅಮೆರಿಕ ಸರ್ಕಾರ ಬೃಹತ್ ಪ್ರಮಾಣದಲ್ಲಿ ಭಾರತಕ್ಕೆ ಪರಮಾಣು ಇಂಧನ ಮಾರಾಟಕ್ಕೆ ಸಹಿ ಹಾಕಿದೆ ಎನ್ನಲಾಗಿದೆ. ಭಾರತದ ವಿದೇಶಾಂಗ ಕಾರ್ಯದರ್ಶಿ ವಿಜಯ್ ಗೋಖಲೆ ಹಾಗೂ ಅಮೆರಿಕದ ಆ್ಯಂಡ್ರಿಯಾ ಥಾಂಪ್ಸನ್ ಅವರು ಪರಸ್ಪರ ಒಪ್ಪಂದಳಿಗೆ ಸಹಿ ಹಾಕಿದ್ದಾರೆ ಎನ್ನಲಾಗಿದೆ.ಅಮರಿಕದ ಪಿಟ್ಸ್ ಬರ್ಗ್ ಮೂಲದ ವೆಸ್ಟಿಂಗ್ ಹೌಸ್ ಸಂಸ್ಥೆ ಭಾರತದಲ್ಲಿ ಪರಮಾಣು ಸ್ಥಾವರ ನಿರ್ಮಾಣ ಸಂಬಂಧ ಭಾರತದೊಂದಿಗೆ ಚರ್ಚೆ ನಡೆಸುತ್ತಿದೆ. ಇನ್ನು ತನ್ನ ಪರಮಾಣು ಇಂಧನ ಸಾಮರ್ಥ್ಯವನ್ನು 2024ರ ವೇಳೆಗೆ ತ್ರಿಗುಣಗೊಳಿಸಿಕೊಳ್ಳಲು ಭಾರತ ಸರ್ಕಾರ ಮುಂದಾಗಿದ್ದು, ಈ ಸಂಬಂಧ ಆಸ್ಟ್ರೇಲಿಯಾ ಮತ್ತು ಅಮೆರಿಕದೊಂದಿಗೆ ನಿರಂತರ ಚರ್ಚೆ ನಡೆಸುತ್ತಿದೆ. ಕಳೆದ ಅಕ್ಟೋಬರ್ ನಲ್ಲಿ ಭಾರತ ಮತ್ತು ರಷ್ಯಾ ಕೂಡ ಪರಸ್ಪರ ಒಪ್ಪಂದ ಮಾಡಿಕೊಂಡು, ಭಾರತದಲ್ಲಿ 6 ಪರಮಾಣು ಸ್ಥಾವರ ನಿರ್ಮಾಣ ಸಂಬಂಧ ಸಹಿ ಹಾಕಿದ್ದವು.

Related posts

ಮೇಘಾಲಯ ಗಣಿ ದುರಂತ: ಕಾರ್ಮಿಕರ ರಕ್ಷಿಸುವಲ್ಲಿ ವಿಫಲ; ಸರ್ಕಾರದ ವಿರುದ್ಧ 'ಸುಪ್ರೀಂ' ತೀವ್ರ ಅಸಮಾಧಾನ

Prajanudi Admin

ಗಡಿಪಾರು ಆದೇಶದ ವಿರುದ್ಧ ಕೋರ್ಟ್ ಗೆ ಮೇಲ್ಮನವಿ: ವಿಜಯ್ ಮಲ್ಯ

Prajanudi Admin

ಕೇಂದ್ರ ಸರ್ಕಾರ ಸಿದ್ದಗಂಗಾ ಶ್ರೀಗಳಿಗೆ ಮರಣೋತ್ತರವಾಗಿ ಭಾರತ ರತ್ನ ಪ್ರಶಸ್ತಿ ನೀಡಬೇಕು- ಖರ್ಗೆ ಒತ್ತಾಯ

Prajanudi Admin

Leave a Comment