Prajanudi
ಕ್ರೀಡೆ

ಐಪಿಎಲ್: ಡೆಲ್ಲಿ ಡೇರ್ ಡೆವಿಲ್ಸ್ ಈಗ 'ಡೆಲ್ಲಿ ಕ್ಯಾಪಿಟಲ್ಸ್'


ನವದೆಹಲಿ: ಮುಂಬರುವ ಐಪಿಎಲ್ ಟೂರ್ನಿಗಾಗಿ ಸಜ್ಜಾಗುತ್ತಿರುವ ದೆಹಲಿ ಡೇರ್ ಡೆವಿಲ್ಸ್ ತಂಡ ತನ್ನ ಹೆಸರನ್ನು ಬದಲಿಸಿಕೊಂಡಿದ್ದು, ಡೆಲ್ಲಿ ಡೇರ್ ಡೆವಿಲ್ಸ್ ನಿಂದ ಡೆಲ್ಲಿ ಕ್ಯಾಪಿಟಲ್ಸ್ ಎಂದು ಮರು ನಾಮಕರಣ ಮಾಡಿಕೊಂಡಿದೆ.

ಕೇವಲ ಹೆಸರನ್ನು ಮಾತ್ರವಲ್ಲದೇ ತಂಡ ತನ್ನ ಸಂಪೂರ್ಣ ವೇಷಭೂಷಣವನ್ನೂ ಕೂಡ ಬದಲಿಸಿಕೊಂಡಿದ್ದು, ತಂಡದ ಲೋಗೋ ಕೂಡ ಬದಲಾಗಿದೆ. ಅಂತೆಯೇ ತಂಡದ ಜೆರ್ಸಿ ಕೂಡ ಬದಲಾಯಿಸುವ ಮುನ್ಸೂಚನೆ ನೀಡಿದೆ.

ಇನ್ನು ಈ ಬಗ್ಗೆ ಮಾಧ್ಯಮಗಳಿಗೆ ಮಾಹಿತಿ ನೀಡಿರುವ ತಂಡದ ಸಹ ಮಾಲೀಕ ಪಾರ್ಥ್ ಜಿಂದಾಲ್ ಅವರು, ಜೆಎಸ್ ಡಬಲ್ಯೂ ಸ್ಪೋರ್ಟ್ಸ್ ದೇಶದ ಅತ್ಯಂತ ಜನಪ್ರಿಯ ಟೂರ್ನಿಯ ಭಾಗವಾಗುತ್ತಿರುವುದಕ್ಕೆ ಅತೀವ ಅನಂದವಿದೆ. ಹೊಸ ಹೆಸರು, ಹೊಸ ಲೋಗೋ, ಹೊಸ ಜೆರ್ಸಿಯೊಂದಿಗೆ ದೆಹಲಿ ತಂಡ ತನ್ನ ಅಭಿಮಾನಿಗಳಿಗೆ ಬರಪೂರ ಮನರಂಜನೆ ನೀಡಲಿದೆ. ಹೊಸ ಹುರುಪಿನೊಂದಿಗೆ ತಂಡ ಟೂರ್ನಿಯಲ್ಲಿ ಪಾಲ್ಗೊಳ್ಳುತ್ತಿದ್ದು, ಎದುರಾಳಿಗಳನ್ನು ಸಮರ್ಥವಾಗಿ ಎದುರಿಸಿ ಗೆಲುವು ಸಾಧಿಸಲಿದೆ ಎಂದು  ಹೇಳಿದ್ದಾರೆ.

ಇನ್ನು ಇತ್ತೀಚೆಗೆ ನಡೆದ ಐಪಿಎಲ್ 12ರ ಟೂರ್ನಿಯ ಹರಾಜು ಪ್ರಕ್ರಿಯೆಯಲ್ಲಿ ಶಿಖರ್ ಧವನ್ ರನ್ನು ಖರೀದಿ ಮಾಡಿದ್ದ ದೆಹಲಿ ತಂಡ ಉಳಿದ ತನ್ನ ಎಲ್ಲ 14 ಆಟಗಾರರನ್ನೂ ಹಾಗೆಯೇ ಉಳಿಸಿಕೊಂಡಿತ್ತು.

ದೆಹಲಿ ತಂಡದ ಆಟಗಾರರ ಪಟ್ಟಿ ಇಂತಿದೆ.
ಶ್ರೇಯಸ್ ಅಯ್ಯರ್ (ನಾಯಕ), ಶಿಖರ್ ಧವನ್, ರಿಷಬ್ ಪಂತ್, ಪೃಥ್ವಿ ಶಾ, ಅಮಿತ್ ಮಿಶ್ರಾ, ಆವೆಶ್ ಖಾನ್, ಹರ್ಷಲ್ ಪಟೇಲ್, ರಾಹುಲ್ ತೆವಾಟಿಯ, ಜಯಂತ್ ಯಾದವ್, ಮಂಜೋತ್ ಕಲ್ರಾ, ಕೊಲಿನ್ ಮುನ್ರೋ, ಕ್ರಿಸ್ ಮೋರಿಸ್, ಕಾಗಿಸೊ ರಾಬಾಡಾ, ಸಂದೀಪ್ ಲಮಿಖಾನೆ, ಟ್ರೆಂಟ್ ಬೌಲ್ಟ್

Indian Premier League (IPL): Delhi Daredevils has been renamed as Delhi Capitals. pic.twitter.com/8uCOIOnL5P— ANI (@ANI) December 4, 2018



Related posts

ಬೌಲರ್ ಹಫೀಜ್ ಬೌಲಿಂಗ್ ಶೈಲಿಯನ್ನು ದೂಷಿಸಿದ ಟೇಲರ್-ರೊಚ್ಚಿಗೆದ್ದ ಪಾಕ್ ನಾಯಕ, ವಿಡಿಯೋ ವೈರಲ್!

Prajanudi Admin

ವೆಸ್ಟ್ ಇಂಡೀಸ್ ವಿರುದ್ಧ ಮೊದಲ ಟೆಸ್ಟ್: ಪೃಥ್ವಿ ಶಾ ಚೊಚ್ಚಲ ಶತಕ, ಬೃಹತ್ ಮೊತ್ತದತ್ತ ಭಾರತ

Prajanudi Admin

ಹೈದರಾಬಾದ್‌ನ ಹನುಮನಿಗಾಗಿ 'ತ್ರಿಶತಕ ವೀರ' ಕನ್ನಡಿಗ ಕರುಣ್‌ರನ್ನು ಕಡೆಗಣಿಸಿದ್ರಾ ಎಂಎಸ್‌ಕೆ ಪ್ರಸಾದ್?

Prajanudi Admin

Leave a Comment