• Home
  • ನ್ಯೂಸ್
  • ದೇಶ
  • ಬಿಹಾರ: ಮಳೆಯಿಂದಾಗಿ 3 ದಿನದಿಂದ ಮನೆಯಲ್ಲಿದ್ದ ಡಿಸಿಎಂ ಸುಶೀಲ್‌ ಮೋದಿ ಕುಟುಂಬ ರಕ್ಷಣೆ
ದೇಶ ಮುಖ್ಯಾಂಶಗಳು

ಬಿಹಾರ: ಮಳೆಯಿಂದಾಗಿ 3 ದಿನದಿಂದ ಮನೆಯಲ್ಲಿದ್ದ ಡಿಸಿಎಂ ಸುಶೀಲ್‌ ಮೋದಿ ಕುಟುಂಬ ರಕ್ಷಣೆ

ಪಟನಾ: ಬಿಹಾರದಲ್ಲಿ ಭಾರಿ ಮಳೆ ಮತ್ತು ಪ್ರವಾಹ ಪರಿಸ್ಥಿತಿ ಉಂಟಾಗಿರುವುದರಿಂದ ಜನ ಸಾಮಾನ್ಯರು ಮಾತ್ರವಲ್ಲ ಈಗ ರಾಜಕಾರಣಿಗಳು, ಉಪ ಮುಖ್ಯಮಂತ್ರಿಗಳು ಸಂತ್ರಸ್ತರಾಗಿದ್ದಾರೆ.

ಪ್ರವಾಹ ಪೀಡಿತ ಬಿಹಾರದಲ್ಲಿ ಉಪ ಮುಖ್ಯಮಂತ್ರಿ ಸುಶೀಲ್‌ ಮೋದಿ ಕುಟುಂಬ ತೀವ್ರ ಸಂಕಷ್ಟಕ್ಕೆ ಸಿಲುಕಿತ್ತು.

ಭಾರಿ ಮಳೆಯಿಂದ ಉಂಟಾಗಿರುವ ಪ್ರವಾಹಕ್ಕೆ ಸಿಲುಕಿದ್ದ ಬಿಹಾರ ಉಪಮುಖ್ಯಮಂತ್ರಿ ಸುಶೀಲ್‌ಕುಮಾರ್‌ ಮೋದಿ ಹಾಗೂ ಅವರ ಕುಟುಂಬವನ್ನು ರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ ಸಿಬ್ಬಂದಿ ರಕ್ಷಿಸಿದ್ದಾರೆ.

ಕಳೆದ ಮೂರು ದಿನಗಳಿಂದ ಮನೆಯಿಂದ ಹೊರಬರಲಾರದೆ ಡಿಸಿಎಂ ಮೋದಿ ಮತ್ತು ಅವರ ಕುಟುಂಬ ಸದಸ್ಯರು ಪರದಾಡುತ್ತಿದ್ದರು. ಪಟನಾದಲ್ಲಿಸುಶೀಲ್‌ ಅವರ ಮನೆಯಿರುವ ರಾಜೇಂದ್ರನಗರ ಪ್ರದೇಶ ಸಂಪೂರ್ಣ ಜಲಾವೃತಗೊಂಡಿದೆ. ಹೀಗಾಗಿ ಎನ್‌ಡಿಆರ್‌ಎಫ್‌ ಸಿಬ್ಬಂದಿ ಸೋಮವಾರ ಡಿಸಿಎಂ ಮತ್ತು ಅವರ ಕುಟುಂಬಸ್ಥರನ್ನು ಬೋಟ್‌ ಮೂಲಕ ಸುರಕ್ಷಿತ ಸ್ಥಳಕ್ಕೆ ಕರೆದೊಯ್ದರು.

ಮುಂದಿನ 24 ಗಂಟೆಗಳಲ್ಲಿಬಿಹಾರದ 24ಕ್ಕೂ ಅಧಿಕ ಜಿಲ್ಲೆಗಳಲ್ಲಿಧಾರಾಕಾರ ಮಳೆ ಬೀಳಲಿದೆ ಎಂದು ಹವಾಮಾನ ಇಲಾಖೆ ಎಚ್ಚರಿಸಿದೆ. ಈ ನಡುವೆ, ಮಳೆಯಿಂದ ಮೃತಪಟ್ಟವರ ಸಂಖ್ಯೆ ಬಿಹಾರದಲ್ಲಿ30ಕ್ಕೆ ಏರಿದೆ.

ಜೈಲಿನೊಳಗೆ ನುಗ್ಗಿದ ನೀರು: ಉತ್ತರಪ್ರದೇಶದಲ್ಲೂಧಾರಾಕಾರ ಮಳೆಯಾಗುತ್ತಿದೆ. ಬಲಿಯಾದಲ್ಲಿಬಿಡದೆ ಸುರಿಯುತ್ತಿರುವ ಮಳೆಯಿಂದಾಗಿ ಉಕ್ಕಿ ಹರಿಯುತ್ತಿರುವ ಗಂಗಾ ನದಿ ನೀರು ದಡದಲ್ಲಿರುವ ಜಿಲ್ಲಾಕಾರಾಗೃಹಕ್ಕೆ ನುಸುಳಿದೆ. ಅಲ್ಲಿದ್ದ 900 ಕೈದಿಗಳನ್ನು ಸುರಕ್ಷಿತ ಪ್ರದೇಶಕ್ಕೆ ಸ್ಥಳಾಂತರಿಸಲಾಗಿದೆ.

Related posts

ಅನರ್ಹರಿಗಾಗಿ ಮೀಸಲಿಟ್ಟಿದ್ದ ಖಾತೆಗಳನ್ನು ಸಚಿವರಿಗೆ ಮರು ಹಂಚಿಕೆ ಮಾಡಿದ ಸಿಎಂ ಬಿಎಸ್ ವೈ

Kannadigara Prajanudi

‘ಗೀತಾ’ ಗೆ ತೊಂದರೆ ಕೊಟ್ರೆ ಸುಮ್ಮನಿರಲ್ಲ: ಗಣೇಶ್ ಎಚ್ಚರಿಕೆ

Kannadigara Prajanudi

‘ಸೈ ರಾ’ ಕನ್ನಡ ಟ್ರೇಲರ್ ರಿಲೀಸ್: ಸುದೀಪ್ ಧ್ವನಿ ಕೇಳಿ ಥ್ರಿಲ್ ಆದ ಅಭಿಮಾನಿಗಳು

Kannadigara Prajanudi

Leave a Comment