Prajanudi
ನ್ಯೂಸ್ ರಾಜ್ಯ

ಆರೋಗ್ಯಕರ ನಗರಗಳಲ್ಲಿ ಬೆಂಗಳೂರಿಗೆ ಮೊದಲ ಸ್ಥಾನ


ಭಾರತದ ಬೇರೆ ಮೆಟ್ರೊ ನಗರಗಳಿಗೆ ಹೋಲಿಸಿದರೆ ಬೆಂಗಳೂರು ಜನತೆ ಹೆಚ್ಚು ಆರೋಗ್ಯವಾಗಿದ್ದಾರೆ ಎಂದು ಸಮೀಕ್ಷೆಯೊಂದು ಹೇಳುತ್ತದೆ. ಇಂಡಿಯಾ ಫಿಟ್ ರಿಪೋರ್ಟ್ 2019ರ ಪ್ರಕಾರ, ಬೆಂಗಳೂರು ಮುಂಬೈ, ದೆಹಲಿ-ಎನ್ ಸಿಆರ್, ಅಹಮದಾಬಾದ್, ಹೈದರಾಬಾದ್, ಚೆನ್ನೈ, ಪುಣೆ ಮತ್ತು ಕೋಲ್ಕತ್ತಾ ನಗರಗಳಿಗೆ ಹೋಲಿಸಿದರೆ ಬೆಂಗಳೂರಿನ ನಾಗರಿಕರು ಆರೋಗ್ಯವಾಗಿದ್ದಾರೆ.ದೇಶದ 8 ನಗರಗಳನ್ನು ವಿವಿಧ ಮಾನದಂಡ ಮೇಲೆ ವರದಿ ತಯಾರಿಸಲಾಗಿದೆ. ಆರೋಗ್ಯ ವಿಷಯದಲ್ಲಿ ಮೆಟ್ರೊಪಾಲಿಟನ್ ನಗರಗಳಲ್ಲಿ ತೆಗೆದುಕೊಂಡಿರುವ ಕ್ರಮಗಳು, ಜೀವನಶೈಲಿಯ ಕಾಯಿಲೆಗಳಾದ ಸಕ್ಕರೆಕಾಯಿಲೆ, ಅಧಿಕ ರಕ್ತದ ಒತ್ತಡ, ಹೃದ್ರೋಗ ಸಮಸ್ಯೆಗಳು, ನಗರವಾಸಿಗಳ ಬಿಎಂಐ (Body Mass Index) ಮೊದಲಾದವುಗಳನ್ನು ಪರಿಗಣನೆಗೆ ತೆಗೆದುಕೊಳ್ಳಲಾಗಿದೆ.ಇದಲ್ಲದೆ ನಗರವಾಸಿಗಳಿಗೆ ಸಿಗುವ ಪೌಷ್ಟಿಕಾಂಶ, ನೀರಿನ ಬಳಕೆ, ಒತ್ತಡದ ಮಟ್ಟ, ನಿದ್ದೆಯ ಅವಧಿ, ದೇಹದ ಶಕ್ತಿ, ಸಿಗರೇಟು, ಆಲ್ಕೋಹಾಲ್ ಸೇವನೆ ಇತ್ಯಾದಿಗಳನ್ನು ಕೂಡ ಪರಿಗಣನೆಗೆ ತೆಗೆದುಕೊಳ್ಳಲಾಗಿದೆ. ಬೆಂಗಳೂರಿನಲ್ಲಿ ದೆಹಲಿ, ಹೈದರಾಬಾದ್, ಚೆನ್ನೈ ನಗರಗಳಿಗೆ ಹೋಲಿಸಿದರೆ ಅಧಿಕ ತೂಕದ ವ್ಯಕ್ತಿಗಳು ಕೂಡ ಹೆಚ್ಚು ಎಂದು ವರದಿ ಹೇಳುತ್ತದೆ.ದೇಶಾದ್ಯಂತ ಬೊಜ್ಜು ಹೊಂದಿರುವ ವ್ಯಕ್ತಿಗಳ ಸಂಖ್ಯೆ ಹೆಚ್ಚಾಗುತ್ತಿದ್ದು 2017ರ ಸಮೀಕ್ಷೆಗೆ ಹೋಲಿಸಿದರೆ ಶೇಕಡಾ 55ರಿಂದ ಶೇಕಡಾ 57ಕ್ಕೆ ಏರಿಕೆಯಾಗಿದೆ.

Related posts

ಸೌದಿ ಯುವರಾಜನಿಗೆ ಚಿನ್ನ ಲೇಪಿತ ಗನ್ ಉಡುಗೊರೆ ನೀಡಿದ ಪಾಕ್

Prajanudi Admin

ಶಿವಮೊಗ್ಗ: ತುಂಗಾ ನದಿ ದಾಟಲು ಅನೇಕ ಜನರಿಗೆ ಈ ತೆಪ್ಪ ಮತ್ತು ಮಲ್ಲಣ್ಣನೇ ಆಸರೆ!

Prajanudi Admin

ಭಾರತ ಶಾಂತಿ ಪ್ರಸ್ತಾಪಗಳಿಗೆ ಪ್ರತಿಕ್ರಿಯಿಸುತ್ತಿಲ್ಲ- ಇಮ್ರಾನ್ ಖಾನ್

Prajanudi Admin

Leave a Comment