Prajanudi
ಕ್ರೀಡೆ

2019ರ ವಿಶ್ವಕಪ್: ಎಂಎಸ್ ಧೋನಿ ಪಾತ್ರದ ಕುರಿತಂತೆ ರೋಹಿತ್ ಶರ್ಮಾ ಹೇಳಿದ್ದೇನು?


ಸಿಡ್ನಿ: 2019ರ ಐಸಿಸಿ ವಿಶ್ವಕಪ್ ಪಂದ್ಯಾವಳಿಗೆ ಕೆಲವು ತಿಂಗಳುಗಳು ಬಾಕಿ ಇರುವಂತೆ ಎಲ್ಲಾ ತಂಡಗಳು ಕಠಿಣ ಅಭ್ಯಾಸದಲ್ಲಿ ತೊಡಗಿದ್ದು ಈ ಮಧ್ಯೆ ಈ ಬಾರಿಯ ವಿಶ್ವಕಪ್ ಪಂದ್ಯಾವಳಿಯಲ್ಲಿ 2011ರ ವಿಶ್ವಕಪ್ ವಿಜೇತ ತಂಡದ ನಾಯಕರಾಗಿದ್ದ ಎಂಎಸ್ ಧೋನಿ ಅವರ ಪಾತ್ರದ ಕುರಿತಂತೆ ರೋಹಿತ್ ಶರ್ಮಾ ಮಾತನಾಡಿದ್ದಾರೆ. ಇತ್ತೀಚೆಗೆ ಧೋನಿ ಪ್ರದರ್ಶನ ನಿರಾಸದಾಯಕವಾಗಿದೆ. ಅಲ್ಲದೆ ತಂಡದಲ್ಲಿ ಆಡಲು ಧೋನಿಗೆ ಅವಕಾಶ ಸಿಗುತ್ತದೆಯೇ ಎಂಬ ಅನುಮಾನಗಳು ವ್ಯಕ್ತವಾಗಿದ್ದು ಸದ್ಯ ರೋಹಿತ್ ಶರ್ಮಾ 2019ರ ವಿಶ್ವಕಪ್ ಪಂದ್ಯಾವಳಿಯಲ್ಲಿ ಪ್ರಮುಖ ಪಾತ್ರವಹಿಸಲಿದ್ದಾರೆ ಎಂದು ಹೇಳಿದ್ದಾರೆ. ಪಂದ್ಯವನ್ನು ಪೂರ್ಣಗೊಳಿಸುವ ಸಾಮರ್ಥ್ಯವನ್ನು ಹೊರತುಪಡಿಸಿದರೆ, ಧೋನಿ ತಂಡದಲ್ಲಿದ್ದರೆ ವಿಶೇಷವಾಗಿ ಯುವ ಆಟಗಾರರಲ್ಲಿ ಶಾಂತತೆಯನ್ನು ನೀಡುತ್ತದೆ. ಇದು ಮೇ 30ರಿಂದ ಇಂಗ್ಲೆಂಡ್ ನಲ್ಲಿ ಆರಂಭವಾಗಲಿರುವ ವಿಶ್ವಕಪ್ ಕೂಟದಲ್ಲಿ ನಿರ್ಣಾಯಕ ಪಾತ್ರವಹಿಸಲಿದೆ ಎಂದು ರೋಹಿತ್ ಶರ್ಮಾ ಹೇಳಿದ್ದಾರೆ. ಮೈದಾನ ಹಾಗೂ ಡ್ರೆಸ್ಸಿಂಗ್ ರೂಂನಲ್ಲಿ ಎಂಎಸ್ ಧೋನಿ ಯಾವ ರೀತಿ ನಡೆದುಕೊಳ್ಳುತ್ತಾರೆ ಎಂಬುದನ್ನು ಹಲವು ವರ್ಷಗಳಿಂದ ನಾವು ನೋಡಿದ್ದೇವೆ. ತಂಡದಲ್ಲಿ ಅವರಿದ್ದರೆ ಯುವ ಆಟಗಾರರಿಗೆ ಇನ್ನಷ್ಟು ಪ್ರೋತ್ಸಾಹ ಸಿಗಲಿದೆ. ಇನ್ನು ಸ್ಟಂಪ್ ಗಳ ಹಿಂದೆ ನಿಂತು ಆಟಗಾರರಿಗೆ ಮಾರ್ಗದರ್ಶನ ನೀಡುವುದರಿಂದ ನಾಯಕನಿಗೂ ಸಹಾಯಕವಾಗುತ್ತದೆ ಎಂದರು. ಹಲವು ವರ್ಷಗಳ ಕಾಲ ಟೀಂ ಇಂಡಿಯಾದ ನಾಯಕರಾಗಿ ಹಲವು ಯಶಸ್ಸುಗಳನ್ನು ಗಳಿಸಿದ್ದಾರೆ. ಹೀಗಾಗಿ ಅವರು ತಂಡದಲ್ಲಿದ್ದರೆ ಒಳ್ಳೆಯ ವಾತಾವರಣ ನಿರ್ಮಾಣವಾಗಲಿದೆ ಎಂದರು.

Related posts

ಕೊಹ್ಲಿ, ಧೋನಿ ಇಲ್ಲದ ಭಾರತ ತಂಡ 'ಕ್ರಿಕೆಟ್ ಶಿಶುನಾ': ರೋ'ಹಿಟ್' ವಿರುದ್ಧ ನೆಟಿಗರ ಆಕ್ರೋಶ!

Prajanudi Admin

ಐಸಿಸಿ ಏಕದಿನ ಶ್ರೇಯಾಂಕ: ಟೀಂ ಇಂಡಿಯಾಗೆ 2ನೇ ಸ್ಥಾನ, ವಿರಾಟ್ ಕೊಹ್ಲಿ, ಬೂಮ್ರಾ ಅಗ್ರ ಸ್ಥಾನ

Prajanudi Admin

ವಿಡಿಯೋ: ಮತ್ತೆ ವರ್ಕ್ಔಟ್ ಆಯ್ತು ಧೋನಿ ಮಾಸ್ಟರ್ ಪ್ಲ್ಯಾನ್, ಕಿವೀಸ್ ಬ್ಯಾಟ್ಸ್‌ಮನ್ ಬಲೆಗೆ ಕೆಡವಿದ್ದೇಗೆ?

Prajanudi Admin

Leave a Comment